म बाँचुञ्जेलसम्म यहाँ कुनै गैर कानुनी कार्य हुन दिने छुइँन्: गौतम देव

सिलगढी (निसं): आफु बाँचुञ्जेलसम्म यहाँ कुनै पनि गैर कानुनी कार्य हुन दिने छुइँन्। आज साहुडांगी संलग्न अधिकारपल्लीमा सिलगढी नगर निगमका मेयर गौतम देवले यस प्रकारको मन्तव्य व्यक्त गरे। फूलबारीमा उत्तरकन्या बनेपछि भूतपूर्व उत्तरबंग विकास मन्त्री गौतम देवले त्यहाँका मानिसहरूलाई हटाएर साहुडांगी संलग्न अधिकारपल्लीमा बसाउने व्यवस्था गरेका थिए। त्यस समयदेखि नै मानिसहरू त्यहाँ हालसम्म बस्दै आइरहेका छन्। केही पुञ्जीपतिहरूले उक्त इलाकाको जमिनमा नजर गाढेको अनि यति मात्र नभएर अधिकारपल्लीको छेउ-छाउमा ठूल्ठूलो फ्याक्ट्रीहरू बनिँदैछ भन्ने आरोप रहेको छ। यसवाहेक, अधिकारपल्ली अनि यसको नजिकको नदीमा पनि कब्जा गर्ने प्रयास गरिरहेको साथै नदीको बाटो परिवर्तन गरिदिएर रेलवेको जमिन हड़प गरेको केही पुञ्जीपतिहरू विरूद्ध आरोप रहेको छ। यसबारे जानकारी पाएपछि आज सिलगढी नगर निगमका मेयर गौतम देव अधिकारपल्ली पुगेका थिए। तिनले इलाकाको वर्तमान स्थितिलाई लिएर क्षोभ प्रकट गरे। तिनले भने, म यस्तो अवैध कार्य  हुन दिदिन्। सबै कानूनलाई उल्लङ्घन गरेर बनाइएको छ। तर म बाँचुञ्जेलसम्म यस्तो गैर कानूनी कार्य हुन दिने छुइँन्।


 


Leave a Reply

Your email address will not be published. Required fields are marked *