मोबाइल रिचार्जको बढ्दो मूल्यको विरोधमा एआईडीवाईओ-द्वारा विरोध तथा  हस्ताक्षर अभियान

राजगञ्ज: मोबाइल रिचार्जको बढ्दो मूल्यको विरोध लगायत तीन सूत्रीय मागलाई लिएर एआईडीवाईओ संगठनले विरोध प्रदर्शन गर्नको साथै हस्ताक्षर अभियान चलायो। अल इन्डिया डेमोक्रेटिक युथ अर्गनाइजेशन (एआईडीवाईओ)-ले आज राजगञ्ज ब्लकको फुलबारी बजारमा विरोध प्रदर्शन गर्नको साथै हस्ताक्षर अभियान चलायो। यस अवधि संगठनका सदस्यहरूले बीएसएनएललाई सस्तो मूल्यमा उत्कृष्ट सेवा प्रदान गर्नमा सक्षम बनाउनको लागि उचित कदम उठाउने लगायत अन्य मागहरू पनि गरे। संस्थाका धनञ्जय रायले भने, कोरोना महामारीको समयमा मोबाइल रिचार्जको मूल्य बढ्दै गइरहेकोले यसको विरोध जनाउँदै पश्चिमबंग राज्य कमिटीको तर्फबाट विरोध प्रदर्शन तथा हस्ताक्षर अभियान शुरू गरेको हो। उक्त कार्यक्रम देशभरि चलिरहेको छ भने आगामी 20 जनवरीसम्म चल्ने तिनले बताए।