मुख्यमन्त्रीको निर्देशमा कवयित्री सुश्री नीलम गुरुङलाई भेट्न पुग्यो काठमाडौं सिक्किमेली टोली

काठमाडौं: सिक्किमका मुख्यमन्त्री प्रेमसिंह तामाङको निर्देश अनुसार नेपालको काठमाडौंमा आयोजित भइरहेको ‘द पोयट आइडल’-मा सिक्किमको प्रतिनिधित्व गरिरहेकी कवयित्री सुश्री नीलम गुरुङलाई एउटा प्रतिनिधि टोलीले काठमाडौं पुगेर भेट गर्नको साथै यहाँसम्मको यात्राको निम्ति तिनलाई बधाईं दिँदै थप आगामी यात्राको निम्ति पनि सम्पूर्ण सिक्किम राज्यवासीको तर्फबाट शुभकामना दिइयो। मुख्यमन्त्रीका राजनैतिक सल्लाहकार जेकब खालिङको नेतृत्वमा गएको टोलीका प्रतिनिधिहरूले सिक्किमको राज्य सरकारको पक्षबाट सुश्री गुरुङलाई द पोयट आइडल-मा सफल बन्न आफूहरूको पक्षबाट सम्भवतः सबै सहयोग पुऱ्याउने वचन दिएको बताइएको छ। उल्लेखनीय रहोस, राज्यका मुख्यमन्त्री प्रेमसिंह तामाङ स्वयमले पनि सुश्री नीलम गुरुङलाई पोयट आइडलमा विजयी बनाउनका लागि राज्यवासीलाई विभिन्न कार्यक्रममार्फत आह्वान गरिसकेका छन्। यसको साथै राज्यका सबै कलाकारहरूलाई सफलतातर्फ अग्रसर गराउनका लागि वर्तमान राज्य सरकारले उल्लेख्य कार्य गरिरहेको देखिन्छ।