नाबालिकासित दुष्कर्म गरेको आरोपमा राजा हलदार पक्राउ, प्रमुख आरोपी निखोज

राजगञ्ज: एउटी 16 वर्षीय नाबालिकासित दुष्कर्म गरेको आरोपमा राजा हलदार (26) नाम गरेका एकजना युवकलाई पक्राउ गरेको छ। तथापि मुख्य आरोपी शंकर मण्डल हालसम्म निखोज छन्। उक्त घटना राजगञ्जको बिन्नागुढी ग्राम पञ्चायतको हरिचरणभिटा इलाकाको हो। नाबालिकाको परिवार पक्षले लगाएको आरोप अनुसार मुख्य आरोपी शंकर मण्डलले 16 वर्षीय नाबालिकालाई विवाहको प्रलोभन देखाएर तिनीसित धेरैपल्ट दुष्कर्म गरे, जसले गर्दा नाबालिका गर्भवती भएकी छन्। नाबालिकाले युवकसित विवाहको कुरा गर्दा विभिन्न बहना गरेर टारेको बताइएको छ। नाबालिकाको परिवारको अनुपस्थितिमा आरोपीले आमबाड़ी इलाकामा आफ्नो साथी राजा हलदरलाई साथमा लिएर आएपछि दुवैजनाले तिनीसित दुष्कर्म गरेको आरोप रहेको छ। यसपछि नाबालिकाको परिवारको तर्फबाट थानामा अभियोग दर्ता गरेपछि पुलिसले एकजना युवकलाई पक्राउ गरेको छ। पक्रा पर्ने एकजना आरोपीलाई आज जलपाईगढी अदालतमा पेश गरियो। तथापि घटनाको प्रमुख आरोपी हालसम्म निखोज रहेकोले पुलिसले तिनको खोजी गरिरहेको छ।   


जवाफ लेख्नुहोस्

तपाईंको ईमेल ठेगाना प्रकाशित हुने छैन ।

This site is protected by reCAPTCHA and the Google Privacy Policy and Terms of Service apply.