नक्सलबारी एशियन हाईवे 2 मा सडक दुर्घटना, 3 जना युवक घाइते

बाघडुग्रा (निसं): वाहनको धक्का लागेर एउटा बाईक दुर्घटनाग्रस्त बन्न पुगेको छ। उक्त दुर्घटनामा बाईकमा सवार 3 जना युवक घाइते भएका छन्। प्राप्त जानकारी अनुसार भारत-नेपाल सिमानीको पानीट्याकीबाट बाघडुग्रा गइरहेको समय नक्सलबारीको सातभैया एशियन हाईवे 2 मा आज बाइक अनियन्त्रित भएर एउटा चारचक्के वाहनसित ठोक्कियो। उक्त दुर्घटनामा बाईकमा सवार तीन जना युवक घाइते भएका छन्। ती घाइतेहरूको नाम चन्दन दास, कालू राय र कुन्दन राय बताइएको छ। तिनीहरू सबैजना बाघडुग्राको भुजियापानी निवासी हुन्। दुर्घटना पछि घाइतेहरूलाई अस्पतालमा लगिएको छ।
अर्कोतिर, उक्त घटना पछि वाहन छोडेर चालक घटनास्थलबाट भागेका छन्। यता, घटनाको खबर सुनेपछि घटनास्थलमा पुगेर नक्सलबारी थाना पुलिसले बाईक र वाहनलाई आफ्नो नियन्त्रणमा ल्याएर थानामा लगेको छ भने पुलिसले घटनाको जाँच शुरू गरेको छ।