नक्सलबारीको आवासीय इलाकामा हात्ती, धानको खेती नष्ट

नक्सलबारी : नक्सलबारी प्रखण्ड अन्तर्गत मनीराम ग्राम पञ्चायतको केटाबुरजोतमा गत राति एउटा हात्ती ताण्डव मच्चायो। प्राप्त जानकारी अनुसार गत अबेर राति केटाबुरजोतमा एउटा हात्ती पसेपछि स्थानीय मानिसहरूले कठोर प्रयासपछि उक्त हात्तीलाई त्यहाँबाट लखेटे। यसपछि उक्त हात्ती खेतबारीमा गएर त्यहाँ लगाइएको धानको फसललाई नष्ट गरिदिएको बताइएको छ। गाउँलेहरूले बताएअनुसार आवासीय क्षेत्रमा हात्तीहरू लगातार आउने-जाने गरेकोले आफूहरूले धेरै समस्याको सामना गर्न परिरहेको छ। हात्तीहरू प्रायःजसो आवासीय क्षेत्रमा आएर धेरै नोक्सान गर्ने गरेको यसको स्थायी समाधान गरिदिने तिनीहरूले माग गरेका छन्।