नक्सलबारीको खेमची नदीबाट नवजात शिशुको शव उद्धार

नक्सलबारी:  नक्सलबारी बाबुपाडाको खेमची नदीबाट नवजात शिशुको शव उद्धार भएको घटनालाई केन्द्र गरेर इलाकामा सनसनी मच्चियो। प्राप्त जानकारी अनुसार आज बिहान स्थानीय मानिसहरूले बाबुपाडाको खेमची नदीमा नवजात पुत्र सन्तानको शव देखेपछि घटनाबारे नक्सलबारी थानालाई खबर दिए। घटनाको खबर पाएर पुलिस घटनास्थलमा पुगेर नवजात शिशुको शव उद्धार गरेर नक्सलबारी ग्रामीण अस्पतालमा पठाएपछि त्यहाँबाट पोस्टमार्टमको लागि उत्तरबंग मेडिकल कलेज एवम् अस्पतालमा पठाएको छ। पुलिसले घटनाको जाँच शुरू गरेको छ।