नक्सलबारीमा हात्तीको हमलामा 76 वर्षीय वृद्धको मृत्यु

नक्सलबारी: नक्सलबारीको उत्तर दयाराम जोतको सन्तोषी मन्दिर नजिक हात्तीको हमलामा 76 वर्षीय वृद्धको मृत्यु भएको छ। मृतक वृद्ध कृष्ण बहादुर छेत्रीको रूपमा चिन्हित गरिएको छ। प्राप्त जानकारी अनुसार आज बिहान वृद्ध कृष्ण बहादुर छेत्री मनिङ वकमा निस्केको समय हात्तीको हमलामा परेर तिनको मृत्यु भएको बताइएको छ। आज बिहान परिवारका सदस्यहरूले अनारसको खेतीमा उक्त वृद्धको शव देखेपछि घटनाबारे पुलिसलाई खबर दिए। घटनाको खबर पाएर नक्सलबारी थाना पुलिस र टुकरियाझड वन विभागका कर्मचारीहरू घटनास्थलमा पुगेर शव उद्धार गरेर नक्सलबारी ग्रामीण अस्पतालमा पठाएपछि त्यहाँबाट पोस्टमार्टमको लागि उत्तरबंग मेडिकल कलेज एवम् अस्पतालमा पठाएको छ। पुलिसले घटनाको जाँच शुरू गरेको छ।