नक्सलबारीमा मानसिक रूपले असक्षम नाबालिकासित दुष्कर्म, सौतेला बाबु पक्राउ

नक्सलबारी, 23 अक्टोबर (निसं): मानसिक रूपले असक्षम एकजना नाबालिकासित दुष्कर्म गरेको आरोपमा सौतेला बाबुलाई पक्राउ गरेको छ। नक्सलबारीमा भएको उक्त घटना पछि सनसनी फैलिएको छ।
पिडिताको आमा काम गर्न गएका समयमा सौतेला बाबुले नाबालिकासित दुष्कर्म गर्ने गरेको आरोप रहेको छ। घटनाको जानकारी पाएपछि नाबालिकाको बोज्युले नक्सलबारी थानामा अभियोग दर्ता गरे। यसपछि पुलिसले जाँच गरेपछि आरोपी बाबुलाई पक्राउ गरेको छ। आरोपीलाई भोली सिलगढी महकुमा अदालतमा पेश गरिनेछ। स्मरण रहोस, नाबालिकाको पिताको मृत्यु भएपछि तिनकी आमाले अर्को एकजना व्याक्तिसित विवाह गरेका थिए। आरोपी सौतेला बाबुले गत एक महिनादेखि लगातार नाबालिकालाई रेप गर्दै आइरहेको आरोप लगाइएको छ। नक्सलबारी थाना पुलिसले सम्पूर्ण घटनाको जाँच गरिरहेको छ।