नक्सलबारीमा टोक्के उद्धार

नक्सलबारी (निसं): नक्सलबारीको रायपाड़ामा टोक्के उद्धार भएपछि इलाकामा हो-हल्ला मच्चिएको छ। प्राप्त जानकारी अनुसार सोमवार राति इलाकाको एउटा घरमा टोक्के घुमिरहेको थियो। टोक्केलाई देखेपछि इलाकामा भयको माहौल सृजना भएको छ। उक्त टोक्के हेर्नका लागि स्थानीय मानिसहरूको भीड जमेको थियो। यसपछि स्थानीय मानिसहरूले त्यलाई पक्रिएर यसबारे टुकरियाझार वन विभागलाई जानकारी दिए। खबर पाउन साथ वनकर्मीहरू घटनास्थलमा पुगेर टोक्केलाई उद्धार गरेको बताइएको छ।