सिलगढी : देशभरिमै मानिसहरूले नयाँ वर्षको शुरूवात हर्षोल्लासको साथमा आ-आफ्नै ढङ्गमा पालन गरेको देखियो। आज नयाँ वर्षको पहिलो दिन विशेष गरेर मानिसहरू मन्दिरमा गएर भगवानको दर्शन गर्नको साथै पुजा अर्चना गरेर नयाँ वर्ष 2021-लाई स्वागत जनाउँदै सुस्वास्थ्य एवम् उत्तरोत्तर प्रगतिको कामना पनि गरे। यसै क्रममा आज बिहानैदेखि सिलगढीको विभिन्न मन्दिरहरूमा पनि पुजा गर्न आउने मानिसहरूको निक्कै भीड देखियो। तिनीहरूले भगवानको पुजा-अर्चना, आरती गरेर नयाँ वर्षको शुरूवात गर्दै आफू लगायत परिवारको सुख शान्तिको कामना पनि गरे।
भक्तिमय वातावरणबीच केही मानिसहरूले नववर्षलाई स्वागत जनाए। गत वर्षभरि नै देशमा कोरोना महामारीको प्रभाव देखापरेकोले मानिसहरूले धेरै चीजहरू गुमाउनको साथै धेरै तीता पलहरू बिताएको स्मरण गर्दै आउँदो नयाँ वर्षमा सबैको सुख-शान्ति तथा सुस्वास्थ्यको कामना गरेर ईश्वरसित प्रार्थना गरे।