सिलगढ़ी : भारत-नेपाल सीमावर्ती इलाका पानीट्याङकीमा कोरोना भाइरसको संदिग्ध भेट्टाइएपछि सीमावर्ती इलाका पानीट्याङ्की एवं पशुपति नगरमा राज्य स्वास्थ्य विभागले अलर्ट जारी गरेको छ। चीन पछि अब नेपालमा पनि कोरोना भाइरसको जीवाणु भेट्टाइएको घटना प्रकाशमा आएको छ। यसलाई लिएर राज्य स्वस्थ्य विभागले भारत-नेपाल सीमानामा आउ-जाउ गर्नेहरूमाथि नजर राखेर विशेष जाँच शुरू गरेको छ। स्मरण रहोस, चीनबाट अधिक संख्यामा पर्यटकहरू भारतमा घुम्न आउने गर्दछन्। यति मात्र नभएऱ नेपालबाट पनि दिनहुँको संख्यामा मानिसहरू भारतमा आउने गर्दछन्। यी कुराहरूलाई ध्यानमा राख्दै कोरोनो भाइरसलाई लिएर राज्य स्वस्थ्य विभागले हाई अलर्ट जारी गरेको छ।
नेपालको काकरीभित्ता, पशुपति सीमा पार गरेर आउने पर्यटकहरूको लागि शिविरको माध्यम तिनीहरूको स्वास्थ्य जाँचको व्यवस्था गरिएको छ। स्वस्थ्य जाँच अवधि कुनै पनि व्यक्तिकोमा कोरोना भाइरसको जीवाणु भेट्टाइए तिनलाई तत्कालै उत्तरबंग मेडिकल कलेज एवम् अस्पतालमा रेफर गरिने बताइएको छ। कोरोना भाइरसबाट मानिसहरूलाई बचाउनको लागि उत्तरबंग मेडिकल कलेजमा एउटा विशेष टोली रेपिड रेस्पोन्स टीम तयार गरिएको छ। यसको साथै अस्पतालमा 6 वटा बेड राखेर आइसोलेशन वार्ड बनाइएको छ। कोरोना भाइरस जीवाणु फेला परेमा त्यसको नमुना जाँचको निम्ति पनि पूर्ण व्यवस्था गरिएको छ। कोरोना भाइरससँग लड़नको लागि राज्य स्वास्थ्य विभाग पूर्ण रूपले तयार रहेको जनाएको छ।