निर्दलीय प्रार्थी विजन सरकारद्वारा सिलगढीको 33 नम्बर वार्डमा चुनाउ प्रचार

सिलगढी : सिलगढी नगरनिगम चुनाउमा यसपल्ट सबैको नजर यहाँको 33 नम्बर वार्डमा रहेको छ। उक्त वार्डबाट तृणमूल प्रार्थीको रूपमा पूर्व मन्त्री र सीपीआईएम प्रार्थीको रूपमा पूर्व काउन्सिलर असीम साहाको सिलगढी नगरनिगम चुनाउमा प्रतिस्पर्धा हुने भएको छ। दुवै पार्टीका प्रार्थीहरूले आफ्नो समर्थनमा जोडतोडले चुनाउ प्रचार गरिरहेका छन्। यसैगरी, उक्त वार्डबाट निर्दलीय प्रार्थीको रूपमा विजन सरकारले नगरनिगम चुनाउ लड्ने भएका छन्। तिनी आज बिहानै उक्त वार्डको घर-घरमा गएर चुनाउ प्रचार गर्दै आफ्नो पक्षमा मतदान गर्ने सबैसित अपील पनि गरे। यसको साथै तिनले नगरनिगम चुनाउ जितेपछि वार्डको विविध समस्याहरूको समाधान गरिदिने आश्वासन पनि दिए।