निर्माणाधीन गोपाल योन्जन रङ्गशालाको विभागीय अधिकारीहरूद्वारा परिभ्रमण

मिरिक : जीटीएद्वारा मिरिक वार्ड नम्बर चार ईलु ग्राउण्डमा निर्माण भइरहेको प्रस्तावित गोपाल योन्जन रङ्गशालाको विभागीय अधिकारीहरूले भ्रमण गर्दै स्थलगत निरीक्षण गरे। प्राप्त जानकारी अनुसार उक्त भव्य रङ्गशाला भवनको  विधिवत उद्घाटन आगमी दुई महीनाको अवधिमा हुने बताइएको छ। विभागको निर्धारित समयमा भवनको निर्माण कार्य पुरा गर्नको लागि विभागीय अधिकारीहरू, पावर विभाग अनि केईडी, एमईडी-का वरिष्ठ अभियन्ताहरू लगायत ठेकादार समूहले उक्त रङ्गशालाको परिभ्रमण गर्नको साथै निर्माण कार्यबारे खोज खबर लिए। उक्त भ्रमण टोलीमा जीटीए सचिव डेभिड प्रधान पनि सामेल थिए। यसैगरी, पहल समूहको पक्षबाट एसबी गजमेर, केसाङ लामा, मनोज खडका, निरज खाम्बेन, सूचना एवम् संस्कृति विभाग मिरिकका प्रभारी कैलाश राई पनि उपस्थित थिए।


जवाफ लेख्नुहोस्

तपाईंको ईमेल ठेगाना प्रकाशित हुने छैन ।

This site is protected by reCAPTCHA and the Google Privacy Policy and Terms of Service apply.