निर्माणाधीन सरकारी आवासमा चोरी गर्ने तीनजना पक्राउ

सिलगढी : एनजेपी संलग्न जाबराभिटामा उत्तरबंग विकास विभागको वित्तीय सहयोगद्वारा निर्माण गरिएको सरकारी आवासबाट एकपछि अर्को गर्दै समानहरू चोरी भइरहेको मामिलामा एनजेपी थाना पुलिसले हिजो तीनजना व्यक्तिलाई पक्राउ गरेको छ। पक्रा परेकाहरूमा जाबराभिटा इलाका निवासी क्रमैले रवि सरकार, हारान सरकार र गोविन्द महतो सामेल छन्। स्मरण रहोस्, उत्तरबंग विकास विभागको वित्तीय सहयोगमा एनजेपी संलग्न जाबराभिटामा निर्माण गरिएको सरकारी आवासबाट एकपछि अर्को गर्दै समानहरू चोरी भइरहेको थियो। यस सम्बन्धमा उत्तरबंग विकास विभागको तर्फबाट गत दिसम्बर महिनामा एनजेपी थानामा एउटा लिखित अभियोग दर्ता गरिएको थियो। अभियोगको आधारमा घटनाको जाँचमा जुटेका एनजेपी थाना पुलिसले हिजो तीनजना व्यक्तिलाई पक्राउ गरेको छ। पुलिसले तिनीहरूबाट चोरी गरेको केही समानहरू पनि उद्धार गरेको छ। पक्रा परेका आरोपीहरूलाई आज जलपाईगढी अदालतमा पेश गरियो।