निःशुल्क स्वास्थ्य जाँच तथा रक्तदान शिविरको आयोजना

सिलगढी : डिस्टिक रोड सेफ्टी कमिटीको पहलमा तथा सिलगढी जिल्ला अस्पतालको सहयोगमा निःशुल्क स्वास्थ्य जाँच तथा रक्तदान शिविरको आयोजना गरियो। सिलगढीको दिनबन्धु मञ्चमा परिवहन कर्मीहरूको लागि उक्त शिविरको आयोजना गरिएको हो। सिलगढीका महकुमाशासक प्रियङ्का सिंहले उक्त शिविरको उद्घाटन गरिन्। शिविरमा संग्रहित गरिएको रगत सिलगढी जिल्ला अस्पतालमा पठाइनेछ। यस अवसरमा सिलगढी अस्पतालका अधीक्षक चन्दन घोष, सिलगढी मेट्रोपोलिटन पुलिसका एसीपी, एआरटीओ लगायत अन्य गणमान्य व्यक्तिहरू उपस्थित थिए।