दार्जिलिङ (निसं) : नियम र कानूनलाई ताकमा राखेर दार्जिलिङ नगरपालिकाको वार्ड नम्बर 30- मा एउटा बहुतले बिल्डिङ निर्माण भइरहेको आरोप उठेको छ। पश्चिम बंगाल नगर पालिकाको एक्ट अनुसार 11.5 मिटर अथवा चारताले बिल्डिङको निर्माण गर्न सक्ने प्रवाधान रहे तापनि दार्जीलिङ नगरपालिकाको वार्ड नम्बर 30 अन्तर्गत मेफेयर होटल छेउमा 6 तलाको एउटा बिल्डिङको निर्माण भइरहेको बताइएको छ। गत केही महिना अघि मात्र उतराखण्ड राज्यको जोशी मठमा यस्तै बहुतले बिल्डिङहरूको निर्माणले गर्दा नै जमिन चर्किएर धेरैवटा घरहरू दबिएको विशेषज्ञहरू बताउँछन्। भू-बैज्ञानिकहरूले दार्जिलिङलाई जोन फोरमा राखेको छ।
जसले गर्दा कुनै पनि समय दार्जिलिङ प्राकृतिक प्रकोपको चपेटमा आउन सक्ने कुरा सबैलाई थाहा हुँदा हुँदै पनि दार्जिलिङ नगरपालिकाको वर्तमान बोर्डले नियमलाई ताकमा राखेर 6 तले बिल्डिङको निर्माण गर्ने अनुमति कसरी दिए भन्दै पूर्व चेयरम्यान रितेश पोर्तेलले प्रश्न तेर्साएका छन्। यसबारे तिनले भने, नगरपालिकाको ईशारा बिना यति ठूलो बहुतले बिल्डिङको निर्माण हुन सक्दैन। दार्जिलिङ जोन फोरमा पर्छ, यो कुरा दार्जिलिङ नगरपालिकाको चैकीमा बस्नेहरूलाई राम्रोसँग थाहा छ तर पनि यति ठूलो बिल्डिङको निर्माण हुँदा किन तिनीहरू आँखा चिम्लेर बस्दैछ भन्ने पूर्व चेयरम्यान पोर्तेलले प्रश्न तेर्साएका छन्।