सिलगढी: केन्द्र सरकारको तर्फबाट एनजेपी स्टेसन संलग्न इलाकामा एउटा विद्यालयको निर्माण कार्य चलिरहेको छ। उक्त विद्यालयको निर्माण कार्यमा स्थानीय श्रमिकहरूलाई नियुक्त गरिनुपर्ने माग गर्दै जातियतावादी रेलवे ठिका श्रमिक युनियनले आज निर्माणकारी कम्पनीलाई एउटा ज्ञापन पत्र चढायो। आज श्रमिक संगठनका सदस्यहरूले जातियतावादी रेलवे ठिका श्रमिक युनियन कार्यालय अघिबाट एउटा रैली निकालेर निर्माणाधीन विद्यालयअघि पुगेपछि विभिन्न नाराबाजी गर्दै स्थानीय श्रमिकहरूलाई निर्माण कार्यमा नियुक्त गरिनुपर्ने माग गरे। यसको साथै संगठनका सदस्यहरूले निर्माणकारी कम्पनीलाई एउटा ज्ञापन पत्र पनि चढाए। यस अवसरमा श्रमिकहरूले भने, विद्यालयको निर्माण कार्यमा बाहिरका श्रमिकहरू नियुक्त नगरियोस्। यसले गर्दा स्थानीय श्रमिकहरूको आयको बाटो खुल्नेछ।