एनजेपीमा एउटा लुगा दोकानमा आगलागी

सिलगढी : सिलगढी नगरनिगमको 34 नम्बर वार्डको एनजेपी मेन रोडस्थित एउटा लुगा दोकानमा आगलागी भएको छ। प्राप्त जानकारी अनुसार गत राति पानी परेकोले गर्दा दोकान मालिकले हतार-हतारमा दोकान बन्द गरेर घर गए। यसपछि स्थानीय मानिसहरूले दोकान भित्रबाट धुवाँ निस्केको देखेर घटनाबारे दोकान मालिकलाई खबर दिएपछि दोकान मालिक घटनास्थलमा पुगेर दोकान खोल्नसाथ आगो फैलियो। स्थानीय मानिसहरूको सहयोगमा आगो निभाउने प्रयास गर्नको साथै आगलागीबारे दमकल विभागलाई खबर दिए। घटनाको खबर पाएर दमकलको 2 वटा इञ्जिन घटनास्थलमा पुगेर केही समयको प्रयासपछि आगोलाई पूर्ण रूपमा नियन्त्रणमा ल्याइयो। सर्ट सर्किटको कारण उक्त आगलागी भएको हुनसक्ने दमकल कर्मीहरूले प्राथमिक अनुमान लगाएको छ। तथापि, अत्याधिक वर्षाले गर्दा आगो फैलिन पाएन।