एनआरसी, सीएए र एनपीआर-को विरोधमा तृणमूलको मौन जुलूस

सिलगढ़ी: मानव श्रृङ्खला पछि मुखमा कालो पट्टी बाँधेर मौन जुलूस निकालेर तृणमूल कांग्रेसले एनआरसी, सीएए र एनपीआर-को विरोध जनायो। बुधवार तृणमूल कांग्रेसले राज्यव्यापी मानव श्रृङ्खला बनाएर आन्दोलन गर्दै एनआरसी, सीएए र एनपीआर-को विरोध जनाएको थियो। यसपछि आज सिलगढ़ीको फूलबारी 2 नम्बर अञ्चल तृणमूल कांग्रेसको तर्फबाट मौन जुलूस निकालिइयो। पार्टीका अध्यक्ष देवाशीष प्रमाणिकको नेतृत्वमा मुखमा कालो पट्टी बाँधेर तृणमूल कांग्रेसका समर्थकहरूले मौन जुलूस निकाले। उक्त जुलूसले फूलबाड़ीको विभिन्न मार्गहरूको परिक्रमा गऱ्यो।