अनलाइन साथै मोबाइल ब्याङ्ककिङ प्रयोग गरोस् ग्राहकहरूले : एलडीएम सरोज छेत्री

सिलगढी: कोरोना भाइरसको संक्रमण हाल भारतमा तीव्र गतिमा बढ्दै गइरहेको छ। कोराना संक्रमित मानिसहरूको संख्या पनि लगातार बढिरहेकोले हाल सबै ब्याङ्कहरूको एउटै उद्देश्य कुनै प्रकारको असुविधा बिनै राम्रो प्रकारले ब्याङ्किङ सेवाहरू उपभोक्ताहरूलाई उपलब्ध गराउनु रहेको छ। दार्जिलिङ जिल्ला अग्रणी ब्याङ्क प्रबन्धक (एलडीएम) सरोज छेत्रीले सेन्ट्रल ब्याङ्कका ग्राहकहरूलाई अधिकभन्दा अधिक डिजिटल ब्याङ्ककिङको लागि जागरूक हुने अनुरोध गरेका छन्। यसै गरी, तिनले ब्याङ्क खाता धारकहरूलाई पनि अधिक मात्रामा अनलाइन र मोबाइल ब्याङ्ककिंगको प्रयोग गरिदिने निवेदन गरेका छऩ्। यसले गर्दा कोरोना सम्बन्धी सरकारी निर्देशलाई पालन गर्न सकिने तिनले बताएका छन्।