अनलाइन लटरीको व्यवसाय चलाएको आरोपमा 2 जना पक्राउ

सिलगढी : सिलगढी मेट्रोपोलिटनको प्रधान नगर थाना पुलिसले समरनगर बजारमा गैर कानुनी रूपमा अनलाइन लटरीको व्यवसाय चलाएको आरोपमा 2 जनालाई पक्राउ गरेपछि आज सिलगढी अदालतमा पेश गर्यो। पक्रा परेकाहरूमा रञ्जन चक्रवर्ती र सुजीत चक्रवर्ती सामेल छन्। पुलिस सूत्रले दिएको जानकारी अनुसार समरनगर बजारमा रञ्जन चक्रवर्तीले धेरै समय अघिदेखि अनलाइन लटरीको व्यवसाय चलाइरहेको खबर पाउनसाथ प्रधान नगर थाना पुलिसले गत राति अभियान चलाएर कम्प्युटर, प्रिन्टर, स्क्यानर, अनलाइन लटरीको नाममा जुवा खेल्ने मसिन जफत गरेको छ। यसको साथै अवैध रूपमा अनलाइन लटरीको व्यवसाय चलाएको आरोपमा रञ्जन चक्रवर्ती र सुजीत चक्रवर्तीलाई पनि पक्राउ गरेको छ।