दार्जिलिङ (निसं) : दार्जिलिङको लेबुङ बदमताम समष्टि अन्तर्गत ग्राम पञ्चायत 2 को वार्ड नम्बर 8 बाट हाम्रो पार्टीले दीपसन प्रधानलाई पार्टी उम्मेद्वारको घोषणा गरेको छ। हाम्रो पार्टी दार्जिलिङ महकुमा समिति अध्यक्ष पूरण तामाङ, समष्टि कोअर्डिनेटर साकाल देवानको बाहुलीद्वारा दीपसन प्रधानलाई पार्टीको लेटर प्याटमा पार्टी उम्मेद्वार चयन गरिएको पत्र सुम्पिए। त्यसरी नै रामपूरिया फरेष्ट भिलेस वार्ड नम्बर 12 बाट प्रिया तामाङलाई हाम्रो पार्टीले पार्टी उम्मेद्वार घोषणा गरेको छ।
हाम्रो पार्टीले उम्मेद्वारहरूलाई पार्टीको पत्रसँगै नामाङ्कन पत्र पनि प्रदान गर्दै विजयको अग्रिम शुभकामना दिएको छ। त्यसरी नै हाम्रो पार्टीले तकदाह ग्लेनर्वण समष्टि अन्तर्गत लामा हटटा ग्राम पञ्चायत वार्ड नम्बर 14,15 बाट ग्राम पञ्चायत उम्मेद्वार फुर्बा लकी भोटियालाई चयन गरिएको छ भने पञ्चायत समिति उम्मेद्वार फुर्बा लकान्द्री भोटियालाई चयन गरिएको छ। त्यसैगरी, माने डाँडा ग्राम पञ्चायत वार्ड नम्बर 2 बाट श्रीमति रोशनी तामाङलाई चयन गरिएको छ। यी पार्टी उम्मेद्वारहरूलाई क्षेत्रिय सभासद एवं हाम्रो पार्टी केन्द्रीय बरिष्ठ कार्यकर्ता सन्नी बम्जनले पार्टीद्वारा गरिएको चयन पत्रसँगै नामाङ्कन पत्र पनि सुम्पिएका छन्।