पाँच डेसिमल पट्टा स्थगित गराउन कमानवासी तथा जोइन्ट फोरमको अहम भूमिका छ : बीरेन्द्र छेत्री

खरसाङ (निसं): पाँच डेसिमल जमीनको पट्टा स्थगित गराउन कमानवासीको ठूलो योगदान रहेको छ साथै जोइन्ट फोरमले यसमा आफ्नो अहम भूमिका निभाएको गोरामुमोको ट्रेड युनियन एचपीडब्ल्युयु खरसाङ ब्राञ्च कमिटीका सचिव बीरेन्द्र छेत्रीले बताए। तिनले एउटा भिडियो जारी गरेर कमान क्षेत्रको पाँच डेसिमल जमीनको पट्टा विषयमा बङ्गालको ठेकेदार गर्नेहरूले अब जिम्मेवारी लिँदै स्थगित होइन तर यो अधिसूचनालाई रद्द गराउनुपर्छ कारण यो जोइण्ट फोरमको माग हो भनी बताए। जोइन्ट फोरमको आयोजनामा गत शनिबार दार्जिलिङमा सम्पन्न र्‍याली तथा पथ सभामा भेला हुने सम्पूर्ण कमानवासीहरूलाई एचपीडब्ल्युयु खरसाङ ब्राञ्च कमिटीको तर्फबाट तिनले आभार व्यक्त गर्दै धन्यवाद दिए।