पार्षद् तथा गाउँलेहरूको सहयोगमा सिलगढीको सत्यजीत नगरमा जल निकासी व्यवस्थाको कार्य शुरू 

सिलगढी (निसं): सिलगढी नगरनिगमको वार्ड नम्बर 46 का पार्षद् दिलीप बर्मनको पहलमा सत्यजीत नगर इलाकामा जल निकासी व्यवस्थाको कार्य शुरू गरेकोले स्थानीय मानिसहरू निक्कै खुसी छन्। वार्डवासीहरूले बताएअनुसार उक्त इलाकामा लामो समयदेखि जल निकासी व्यवस्था नभएकोले निक्कै समस्या भइरहेको थियो। पूर्व पार्षदलाई बारम्बार अपील गरे तापनि इलाकामा जल निकासी व्यवस्था गरिएको थिएन।

हाल, वर्तमान पार्षद दिलीप बर्मनले यसतर्फ ध्यान दिँदै जल निकासी व्यवस्था राम्रो बनाउने कार्य शुरू गरेको छ। उक्त कार्यमा स्थानीय मानिसहरूले पनि काममा सहयोग गरिरहेका छन्। अर्कोतिर, वार्ड पार्षद दिलीप बर्मनले भने, सत्यजीत नगर इलाकाका मानिसहरूको सहयोगमा आज जल निकासी व्यवस्थाको काम शुरू गरिएको छ। केही दिनको अवधिमा इलाकामा सड़क निर्माणको कार्य  पनि शुरू गरिनेछ।