पिउने पानीको मागमा अप्पर बाघडुग्रा पञ्चायत कार्यालय अघि विरोध प्रदर्शन

बाघडुग्रा, 4 अक्टोबरः पूजा नजिक आइपुग्दा शुद्ध पिउने पानीको मागमा बाल्टी हातमा लिएर अप्पर बाघडुग्रा गाउँ पञ्चायत कार्यालय अगाडी लिचु बगान, गदाधरपल्ली, स्टालिन नगर, होचीमिन नगर र रविन्द्र नगरका स्थानीय वासिन्दाहरूले विरोध प्रदर्शन गरे। स्थानीय मानिसहरूले आरोप लगाए अनुसार लगभग 3 वर्षदेखि अप्पर बाघडुग्रा इलाकाको केही क्षेत्रमा पिउने पानीको समस्या भइरहेको छ। पानीको पाइप लाइन भए तापनि त्यसमा पानी आउँदैन। स्थानीयहरूले छिटो पिउने पानीको सेवा सञ्चालन गरिनु पर्ने माग गरेका छन्।
स्थानीय वासिन्दा भाजपा नेत्री प्रियङ्का सरकार मित्रले भनिन्, लगभग अढाई वर्षदेखि विभिन्न क्षेत्रमा पिउने पानीको समस्या छ। यस विषयमा अप्पर बाघडुग्रा ग्राम पञ्चायत संजीव सिन्हालाई जानकारी गराए तापनि समस्याको समाधान भएको छैन।
अर्कोतर्फ, अपार बाघडुग्रा ग्राम पञ्चायत प्रमुख संजीव सिन्हाले भने, विरोध गर्नेहरू भाजपा सदस्य हुन्। केन्द्र सरकारले 31 डिसेम्बरसम्म डेडलाइन राखेको छ। पानीको समस्या समाधान गर्नका लागि हामी काम गरिरहेका छौँ।