फाँसीदेवामा झुन्डिएको अवस्थामा कृषकको शव उद्धार

फाँसीदेवा : फाँसीदेवाको ज्योतिनगर इलाकामा झुन्डिएको अवस्थामा एकजना कृषकको शव उद्धार भएको छ। मृतक व्यक्ति 42 वर्षीय बसन्त विश्वासको रूपमा चिन्हित गरिएको छ। प्राप्त जानकारीअनुसार आज बिहान परिवारका सदस्यहरूले घर नजिक रहेको एउटा रुखमा झुन्डिरहेको अवस्थामा बसन्त विश्वासको शव देखेपछि घटनाबारे पुलिसलाई खबर दिए। घटनाको खबर पाएर फाँसीदेवा थाना पुलिस घटनास्थलमा पुगेर शव उद्धार गरेर पोस्टमार्टमको लागि उत्तरबंग मेडिकल कलेज एवम् अस्पतालमा पठाउनको साथै घटनाको जाँच शुरू गरेको पुलिस सूत्रले जनाएको छ। मृतकका भाई अजित विश्वासले बताएअनुसार ऋण लिएकोले गर्दा नै चिन्तामा परेर नै दाजुले आत्महत्या गरेको हो।