प्लुङदुङ कमानका विभिन्न समाजद्वारा प्रार्थी केशवराज पोख्रेललाई समर्थन

सुकेपोखरी : सुके मानेभञ्ज्याङ समष्टि अन्तर्गत बुथ नम्बर 23/257 प्लुङदुङ कमानको चारवटा गाउँको 6 वटा समाजलाई लिएर गोर्खा जनमुक्ति मोर्चा विनय खेमाको चुनावी सभा आज सम्पन्न भयो। भूदेव चामलिङको अध्यक्षतामा सम्पन्न सभामा समष्टि को-अर्डिनेसन कमिटी अध्यक्ष उदय देवान, समीर प्रधान, बच्चु प्रसाद तथा टासी भोटियाको विशेष उपस्थिति रहेको थियो। सभामा यी चारवटा गाउँ क्रमैले मुन्सी गाउँ, बिच गाउँ, छेउ डाँड़ा र बघैँचा टारका मतदाताहरूले आगामी विधानसभा चुनाउमा गोजमुमो प्रार्थी केशवराज पोख्रेलको पक्षमा मतदान गरेर विपुल मतले विजय बनाउने बताए। गत चुनाउमा भाजपा प्रार्थी निरज जिम्बाले जितेर गए तापनि चुनाउपछि यस क्षेत्रमा तिनले एकपल्ट समेत भ्रमण नगरेको गुनासो पोख्दै विगतमा गरेको भुल सच्च्याउँदै आगामी चुनाउमा गोजमुमो प्रार्थी पोख्रेलको पक्षमा मतदान गर्ने निर्णय लिएको तिनीहरूले बताए।