पीएमजीएस-को सड़क गुणस्तर नबनिएको गोरामुमो जनचेतना सङ्घर्ष समितिको आरोप

सोनादा : गोरामुमो जनचेतना सङ्घर्ष समितिको एउटा टोलीले जनताको अपिलमा प्रधानमन्त्री ग्राम सडक योजना अन्तर्गत सोनादा गोराबारीदेखि नेहुर बालासन जाने बाटोको निरीक्षण गऱ्यो। निरीक्षण पछि सडक  गुणस्तर नभएको र समयमा नबनिएको कारण गोरामुमो जनचेतना सङ्घर्ष समितिले आपत्ति  जनाएको छ। यसको साथै जति पनि प्रधानमन्त्री ग्राम सडक योजना अन्तर्गत बनिएको सबै सडकहरु सही ढंगले नबाएको जनगुनासो रहेको समितिका अध्यक्षा मन्जिला तामाङले बताएकी छन् l जीटीएको कुर्सीमा बस्नेहरुले यसबारे ध्यान नदिएको अथवा कट मनिको कारण चुपचाप रहेर पार्टी चलाउनु जनताको बिकासको निम्ति आएको पैसा खर्च गरेको पनि आरोप पनि अध्यक्षा मन्जिलाले गम्भीर आरोप लगाएका छन्।

बालासनको सडकको अनुमानित राशी 6,10,91,900-को लागतमा बनिएको सडक कार्य शुरु मिति 14/3/2018, कार्य समाप्ती मिति 13/3/2019 मा बनिएर सकिनु पर्ने तर अझैसम्म नसकिएको गुनासो रहेको छ। यसबारे निम्ति सम्बन्धित विभागहरुमा जानकारी गराउने गोरामुमो जनचेतना सङ्घर्ष समितिका अध्यक्षा मन्जिला तामाङले पत्रकारहरुलाई जानकारी दिएका छन्। आजको निरीक्षण टोलीमा गोरामुमो जनचेतना सङ्घर्ष समितिका अध्यक्षा मन्जिला तामाङ लगायत उपाध्यक्ष देवराज तामाङ, सचिव रन्जिता सुब्बा, सहसचिव अमृता छेत्री तथा अन्य सदस्यहरु इशिका मङ्ग्राती, बसु तामाङ उपस्थित थिए ।