प्रशासनको निर्देशअनुसार फुलबारी क्यानल रोडको दोकानहरू हटाए व्यवसायीहरूले

राजगञ्ज : प्रशासनको निर्देशअनुसार फुलबारी क्यानल रोडका व्यवसायीहरूले सडक किनारमा रहेको दोकानहरू हटाए तापनि सरकारको तर्फबाट यसको लागि कुनै क्षतिपूर्ति नदिएकोले व्यवसायीहरूले दुःख प्रकट गरेका छन्। फुलबारी-गजलडोबा क्यानल रोडको महत्व बढेपछि फुलबारी मर्डर मोड इलाकाको सडक नजिक धेरैवटा दोकानहरू थापेको थियो। तथापि, उक्त सडकमा धेरैजसो दुर्घटना हुन थालेपछि प्रशासनले क्यानल रोड नजिक रहेको दोकानपाट त्यहाँबाट हटाउने निर्देश दिएपछि व्यवसायीहरूले आज त्यहाँबाट आफ्नो दोकानहरू हटाए। व्यवसायीहरूको भनाइ अनुसार उक्त रोडमा कसैले 5 वर्षदेखि त कसैले 15 वर्षदेखि दोकान चलाउँदै आइरहेका छन्। क्यानल रोडमा सानो दोकान थापेर आफ्नो परिवारको भरण पोषण गरिरहेका छौँ। तर एनजेपी थाना पुलिसले 3 दिनको अवधिमा दोकानहरू सार्ने निर्देश दिएकोले आज आफूहरूले त्यहाँबाट दोकानहरू हटाएको व्यवसायीहरूले बताए। यसरी क्यानल रोडबाट दोकानहरू हटाउन परेकोले अब कसरी परिवार चलाउने भन्ने विषयलाई लिएर व्यवसायीहरू चिन्तित बन्दै सरकार समक्ष क्षतिपूर्तिको माग गरेका छन्।