सिलगढी : सिलगढी नगरनिगमले कञ्चनजङ्घा स्टेडियमलाई नयाँ रूपमा सजाउने काम शुरू गरेको छ। यसैले दिल्लीका प्रख्यात आर्किटेक्ट पीआर मेहताले आज कञ्चनजङ्घा स्टेडियमको निरीक्षण गरे। आर्किटेक्ट पीआर मेहता र मेयर गौतम देवले आज सिलगढी नगरनिगम अन्तर्गत अडिटोरियम, कञ्चनजङ्घा स्टेडियम, इन्डोर स्टेडियम, स्विमिङ पुलको निरीक्षण गरे। यस अवधि डेपुटी मेयर रञ्जन सरकार, मेयर परिषद दिलीप बर्मन तथा अन्य उपस्थित थिए। खेलाड़ीहरू लगायत खेल प्रेमीहरूको लागि आधुनिक सुविधायुक्त स्टेडियम बनाउनको लागि दिल्लीका प्रसिद्ध आर्किटेक्ट पीआर मेहतालाई बोलाइएको हो। निरीक्षणपछि मेयर गौतम देवले भने, स्टेडियमलाई सजाउने काम शुरू गरिएको छ। यसको लागि नियमित निरीक्षण गरिरहेका छौँ। यसै क्रममा आज आर्किटेक्ट पीआर मेहताले पनि स्टेडियमको निरीक्षण गर्नको साथै केही सुझाउ दिएकोले यसबारे कार्य गरिनेछ। उत्तर बंगाल विकास विभागबाट पनि वित्तीय सहयोगको माग गरिएको छ। कञ्चनजङ्घा स्टेडियम मात्र नभएर इन्डोर स्टेडियमको पनि जीर्णोद्धार गरिनेछ।