सिलगढी : सिलगढीमा प्रतिबन्धित पटेकाको बिक्रीमा रोक लगाउन सिलगढी मेट्रोपोलिटन पुलिसले दिनहुँ अभियान चलाइरहेको छ। यसै क्रममा एनजेपी थाना पुलिसले दीपावली अघि हिजो राति फेरि सिलगढीको 34 नम्बर वार्डको मोड बजार इलाकामा अभियान चलाएर धेरै मात्रामा प्रतिबन्धित पटेका जफत गर्नको साथै एकजना व्यक्तिलाई पक्राउ गरेको छ। पक्रा परेका व्यक्ति सुधीर रञ्जन चौधरीको रूपमा चिन्हित गरिएको छ। पक्रा परेका व्यक्तिलाई आज जलपाईगढी अदालतमा पेश गर्नको साथै घटनाको जाँच शुरू गरेको पुलिस सूत्रले जनाएको छ।