पुटुङ विद्यालयमा एघारौं श्रेणीको लागि भर्ना शुरू

मिरिक: मिरिक महकुमाको पुटुङ माध्यमिक विद्यालयमा शैक्षिक सत्र 2021-को एघारौं श्रेणीको भर्ना खुलेको जानकारी शिक्षक प्रभारी महेन्द्र मोक्तानले दिएका छन्। तिनले दिएको जानकारी अनुसार विद्यार्थीहरुले कला विभागमा आवेदन गर्न सक्ने छन्। आवेदन फारम 22 जूनदेखि 2 जुलाई सम्म वितरण गरिने अनि त्यसपछि भर्ना शुरू गरिनेछ। आवेदनको फारम कोभिड नियमलाई पालन गर्दै विद्यालयको कार्यालयमा वितरण गरिने छ। फारम लिनुको निम्ति अभिभावकहरुलाई उपस्थित भइदिने तिनले आह्वान गरेका छन्।