क्वारेन्टाइन सकिए तापनि स्वाब टेस्टको रिपोर्ट नआएपछि मानिसहरू चिन्तामा

बिजनबारी : अहिलेघरि सम्पूर्ण पहाडमा बाहिरबाट आउने मानिसहरू क्वारेन्टाइनमा बस्ने साथै 14 दिन क्वारेन्टाइनमा बसेपछि स्वास्थ्य विभागको विशेष निगरानी तथा निर्देशनमा एएनएम र आशा कर्मीहरूको उपस्थितिमा क्वारेन्टाइन मुक्त गराउने कार्य भइरहेको छ। कतिपय ठाउँहरूमा स्वास्थ्य विभागको निर्देशन अनुरुपको होम क्वारेन्टाइन सकिँदा पनि स्वाब टेस्टको रिपोर्ट नआएपछि मानिसहरू अन्योलमा परेका छन्। यसै क्रममा टाटा मेमोरियल क्यान्सर अस्पताल मुम्बईबाट आएका दार्जिलिङ पुलबजार खण्ड अधीनस्थ कैजले ग्राम पञ्चायतको लोअर सिरिसे निवासी विशाल सुब्बा अनि तिनको परिवारका सदस्यहरू होम क्वारेन्टाइन बसेको २१ दिन बितिसक्दा पनि तिनीहरूको स्वाब टेस्टको रिपोर्ट आएको छैन। समाजको पदाधिकारी लगायत आशा कर्मीको विशेष उपस्थितिमा तिनीहरूले २१ दिनको होम क्वारेन्टाइन पुरा गरेर क्वारेन्टाइन मुक्त बनेका छन्।