राजगञ्जका 19 वर्षीय युवती 9 दिनदेखि निखोज

राजगञ्ज : राजगञ्जको माझियाली ग्राम पञ्चायत अन्तर्गत पर्ने मगरशोभा गाउँ निवासी 19 वर्षीय भूमिका राय नाम गरेकी एउटी युवती निखोज भएकी छन्।  निखोज युवतीको बाबुले गत 9 अगस्तको दिन बिहान छोरी भूमिका घरबाट सिलगढी जानको लागि निस्केपछि फर्किनआएको साथै तिनको मोबाइल बन्द रहेको बताए।  यसपछि परिवारका सदस्यहरूले आफन्तहरू लगायत विभिन्न ठाउँमा भूमिकाको खोजी गरे तापनि कुनै पत्तो नलागेपछि राजगञ्ज थानामा लिखित अभियोग दर्ता गरेको छ। छोरी निखोज भएको 9 दिन बितिसक्दा पनि हालसम्म कुनै खोज खबर नपाएकोले छोरी तस्करहरूको प्रलोभनमा परेको हुनसक्ने कुराले परिवारका सदस्यहरू चिन्तित देखिन्छन्।