राजगञ्जको आदर्शपल्ली श्री श्री गौरनीताई मन्दिरमा रथ यात्रा उत्सवको तयारी शुरू

राजगञ्ज : राजगञ्जको आदर्शपल्ली श्री श्री गौरनीताई मन्दिरमा जगन्नाथ देवको रथ यात्रा निकाल्ने भएको छ। जगन्नाथ देवको रथ यात्राको उपलक्ष्यमा  9 दिवसीय धार्मिक कार्यक्रमको आयोजना गरिनेछ। आज एउटा पत्रकार सम्मेलनको आयोजना गरेर मन्दिर कमिटीका सदस्यहरूले यसबारे जानकारी दिएका छन्। यस वर्ष बिन्नागढी ग्राम पञ्चायत अन्तर्गत फाराबारी इलाकाको आदर्शपल्ली श्री श्री गौरनीताई मन्दिरको तेस्रो रथ यात्रा उत्सव हो। यस वर्ष रथ यात्रा उत्सवलाई भव्य रूपमा आयोजना गर्ने पहल गरिएको छ। स्थानीय आदर्शपल्ली स्मरणीय क्लबको सहयोगमा 9 दिनसम्म विविध कार्यक्रमको आयोजना गरिनेछ। आगामी 20 जुनमा मन्दिर परिसरबाट रथ यात्रा निकालिइने भएको छ। यसको साथै प्रत्येक दिन साँझ पुजा, सन्ध्या आरती, प्रवचन तथा सांस्कृतिक कार्यक्रम गरिनेछ। आगामी 28 जुनको दिन उल्टा रथ यात्रा क्लब परिसरबाट शुरू गरेर विभिन्न मार्गहरूको परिक्रमा गरेपछि पुनः मन्दिरमा पुगेर समापन गरिनेछ। यसको तयारी जोडतोडले चलिरहेको छ।