राजगञ्जको फाटापुकुर मोडमा प्राथमिक सेवा केन्द्रको उद्घाटन

राजगञ्ज (निसं): जलपाईगढी जिल्ला पुलिस अधीक्षकले राजगञ्जको फाटापुकुर मोडमा प्राथमिक सेवा केन्द्रको उद्घाटन गरे। एसपी उमेश गणपत खन्डाबहालेले आज फाटापुकुर ट्राफिक मोडमा नयाँ प्राथमिक सेवा केन्द्रको उद्घाटन गरे। यस अवसरमा राजगञ्जका विधायक खगेश्वर राय, राजगञ्ज थानाका आईसी पंकज सरकार र अन्य पुलिसकर्मी उपस्थित थिए। राष्ट्रिय राजमार्गमा सम्बन्धित क्षेत्रमा कुनै दुर्घटना भएको खण्डमा घाइतेहरूले तत्कालै उपचार पाउन सकोस् भन्ने उद्देश्य लिएर उक्त पहल गरिएको हो। जलपाईगढीको एउटा स्वयंसेवी संस्थाका सदस्यहरूले पनि यस पहललाई समर्थन गरेको छ।