राजगञ्जमा अन्तर प्राथमिक विद्यालय खेलकूद प्रतियोगिताको आयोजना, 54 वटा प्राथमिक विद्यालयले लियो भाग

राजगञ्ज: राजगञ्जमा 54 वटा प्राथमिक विद्यालयको लगभग 210 जना विद्यार्थीहरूलाई लिएर अन्तर प्राथमिक विद्यालय खेलकूद प्रतियोगिताको आयोजना गरियो। आज राजगञ्जको सुखानीमा महानपाडा प्राथमिक विद्यालयको मैदानमा अन्तर प्राथमिक विद्यालय खेलकूद प्रतियोगिताको आयोजना गरियो। उक्त प्रतियोगितामा राजगञ्जको 4 वटा अञ्चल जस्तै सुखानी, माझियाली, सन्न्यासीकाटा र फुलबारी 2 अञ्चलको 54 वटा प्राथमिक विद्यालयले अंश ग्रहण गरेको छ। यस अवसरमा राजगञ्जका विधायक खगेश्वर राय, राजगञ्ज थानाका आईसी पंकज सरकार, पञ्चायत समितिका अध्यक्ष रूपाली दे सरकार लगायत अन्य शिक्षक-शिक्षिकाहरू उपस्थित थिए। यस विषयमा शिक्षक अरिन्दम बन्दोपाध्यायले भने, राजगञ्जको तृतीय मण्डल अन्तर्गत चारवटा अञ्चललाई लिएर ब्लक स्तरीय शीतकालीन खेल प्रतियोगिताको आयोजना गरिएको हो। उक्त प्रतियोगितामा 54 वटा विद्यालयका लगभग 210 जना विद्यार्थीहरूले 30 वटा खेलमा अंश ग्रहण गरेको छ। आजको प्रतियोगितामा प्रथम स्थान ओगट्ने प्रतियोगीले जिल्ला स्तरीय प्रतियोगितामा अंश ग्रहण गर्न पाउनेछन्।