राजगञ्जमा गोली ठोकेर तृणमूल नेताको हत्या गर्ने प्रयास, 2 जना घाइते

राजगञ्ज : राजगञ्जको जनबहुल इलाकामा दुईजना दुष्कृतिले गोली ठोकेर घटनास्थलबाट सुइँकुच्चा ठोके। घटनामा एकजना तृणमूल नेता र अर्को लटरी विक्रेता घाइते भएका छन्। उक्त घटना हिजो साँझ राजगञ्जको भुटकीहाट इलाकामा घटेको हो। घाइतेहरूलाई उद्धार गरेर सिलगढीको एउटा गैर सरकारी अस्पतालमा भर्ना गरिएको छ भने ती दुईमध्ये तृणमूल नेता सलेमान मोहम्मदको अवस्था चिन्ताजनक रहेको छ। स्थानीय सूत्रले दिएको जानकारीअनुसार हिजो साँझ राजगञ्जको भुटकीहाट इलाकाको सिलगढी-जलपाईगढी राष्ट्रिय राजमार्ग नजिक सलेमान मोहम्मद र तपन प्रसाद लटरी दोकानमा बसिरहेको समय बाइकमा सवार दुईजना दुष्कृतिले गोली ठोकेर घटनास्थलबाट सुइँकुच्चा ठोकेको बताइएको छ। घटनापछि इलाकामा आतङ्कको माहौल देखापर्यो। घटनाको खबर पाएर राजगञ्ज पुलिस घटनास्थलमा पुगे। अर्कोतिर, सिलगढी पुलिस कमिश्नर गौरव शर्मा लगायत न्यु जलपाईगढी र राजगञ्ज थाना पुलिस आज घटनास्थलमा पुगेर घटनाबारे विस्तृत जानकारी लिए। यसबाहेक राजगञ्जका विधायक खगेश्वर राय पनि घटनास्थलमा पुगे। पुलिस अधिकारीहरूले घाइते लटरी विक्रेता तपन प्रसाद महतोसित घटना सम्बन्धि कुराकानी गरे। राजगञ्जका विधायकले के कारणले गर्दा यस प्रकारको घटना घट्यो भन्नेबारे हाल थाहा नलागेको बताउँदै पुलिसलाई घटना सम्बन्धि गम्भीरताको साथमा जाँच गरेर आरोपीहरूलाई खोजी निकालेर कठोर सजाय दिइनुपर्ने माग गरे।


जवाफ लेख्नुहोस्

तपाईंको ईमेल ठेगाना प्रकाशित हुने छैन ।

This site is protected by reCAPTCHA and the Google Privacy Policy and Terms of Service apply.