राजगञ्जमा आगो लागेर समानहरूसहित घर जलेर भष्म

राजगञ्ज, 9 दिसम्बर (निसं): राजगञ्ज विधानसभा क्षेत्र अन्तर्गत बारोपटिया ग्राम पञ्चायतको झकुवा पाडा गाउँमा एउटा घरमा आगो लागेपछि इलाकामा हो-हल्ला मच्चियो। प्राप्त जानकारी अनुसार, झकुवा पाडा गाउँका बाभूसोना रायको घरमा आज बिहान लगभग 9 बजे आगलागीको घटना घट्यो। उक्त घटना अवधि घरमा कुनै पनि व्यक्ति थिएन। आगो लागेपछि स्थानीय मानिसहरूले आगो निभाउने प्रयास गरे। पछि सूचना पाएर दमकलको एउटा गाडी घटनास्थलमा पुगेको थियो। तर, दमकलका कर्मचारीहरू घटनास्थलमा पुग्न अघि नै स्थानीय मानिसहरूले आगोलाई नियन्त्रणमा ल्याइसकेका थिए। उक्त घटनामा एउटा घर जलेर भष्म भएको छ। यस विषयमा घरका सदस्यहरूले बताए अनुसार बाभूसोना राय बिहान खेतमा काम गर्न गएका थिए। त्यस समय घरमा कुनै पनि व्यक्ति थिएन। घरमा राखिएका सबै सामान, कागज-पत्रसहित हजारौं रुपियाँ जलेर नष्ट भएका छन्। प्रारम्भिक अनुमान अनुसार आगो शर्ट सर्किटको कारण लागेको हुनसक्छ।