राज्यका 5 वटा पर्यटन केन्द्र खोलिने

सिलगढी : कोरोना महामारीको कारण दीर्घदिनको लकडाउनपछि अन्ततः राज्यको सहमतिमा 5 वटा पर्यटन केन्द्र खोलिने भएको छ। आज सिलगढीको मैनाक टुरिस्ट लजमा पत्रकारहरूसँगको कुराकानीमा राज्यका पर्यटन मन्त्री गौतम देवले डायमन्डहार्बर, विष्णुपुर, माइथन, राङ्गावितान र डुवर्सको टिलाबारी पर्यटन केन्द्र खोलिने भएकोबारे बताए। आगामी 8 जुनदेखि यी 5 वटा पर्यटन केन्द्रको अनलाइन बुकिङ शुरू हुने भएको छ। कोभिड प्रोटोकलअनुसार यसको व्यवस्था गरिने भएको छ भने पर्यटकहरू चाहे यहाँ घुम्न आउन सक्नेछन्। पहिला उक्त 5 वटा पर्यटन केन्द्र खोलिनेछ अनि आगामी दिनमा अन्य पर्यटक केन्द्रहरू पनि खोलिने बताइएको छ। यहाँ घुम्न आउने प्रत्येक पर्यटकहरूले अनिवार्य रूपमा मास्क लगाउनुपर्ने साथै सबै निर्देशिकाको पालन गर्नु पर्नेछ। अर्कोतिर, टुरिस्ट लजका कर्मचारीहरू लगायत सबैले सुरक्षा नियमहरूको पालन गर्नुपर्नेछ।