टिस्टा (निसं): सिक्किमदेखि दार्जिलिङतर्फ गइरहेको समय पर्यटक सवार एउटा वाहन गत राति राष्ट्रिय राजमार्ग 10 अन्तर्गत 11 माईलमा दुर्घटना हुँदा त्यसमा सवार धेरैजना पर्यटकहरु घाइते भएका छन्। घाइतेहरूलाई घटना स्थलबाट टिस्टा रङ्गीत रेस्क्यू टीमले राति 11 बजे घटना स्थलमा पुगेर उद्धार गरेपछि उपचारको निम्ति नजिकैको अस्पतालमा पुऱ्याएको बताइको छ। टिस्टा रङ्गीत रेस्क्यु टीमका प्रमुख शान्ति राईले आफै संस्थाको एम्बुलेन्स चलाएर घटना स्थलमा पुगेर अन्य सदस्यहरूको साथमा घाइतेहरुलाई उपचार गराउन सक्षम बनेका छन्।
प्राप्त जानकारी अनुसार, घाइते हुने पर्यटकहरु असमबाट सिक्किम नाथुला पुगेर दार्जिलिङ तर्फ गइरहेको समय वाहन अनियन्त्रित भएर बुधबार राति 11 माईलमा उक्त दुर्घटना भएको हो। दुर्घटना हुँदा चालकले मादक पदार्थ पिएको आरोप रहेको छ। घाइते हुने पर्यटकहरु कृष्ण कान्ता दास, टुटीमोणि महान्त, तिलक दास र कर्बी दास सामेल छन् भने चालकलाई पनि सामन्य चोट लागेको बताइएको छ।