सड़क दुर्घटनामा भिखारीको मृत्यु

सिलगढी : सड़क दुर्घटनामा एकजना भिखारी व्यक्तिको मृत्यु भएको छ। उक्त घटना फुलबारी 31 नम्बर राष्ट्रिय राजमार्गमा घटेको हो। पुलिस सूत्रले दिएको जानकारीअनुसार उक्त भिखारी इलाकामा यता-उता घुमिहिँड्ने गर्दथे। हिजो राति कुनै वाहनको चपेटमा परेर उक्त भिखारीको मृत्यु भएको हुनसक्ने बताइएको छ। आज बिहान स्थानीय मानिसहरूले सड़क शव देखेपछि यसबारे एनजेपी पुलिसलाई खबर दिए। घटनाको खबर पाएर पुलिस घटनास्थलमा पुगेर शव उद्धार गरेर पोस्टमार्टमको लागि उत्तरबंग मेडिकल कलेज एवम् अस्पतालमा पठाएको छ। पुलिसले मृत व्यक्तिको परिचय जुटाउने प्रयास गरिरहेको छ।