सडक दुर्घटनामा बाईकमा सवार एकजना घाइते

राजगञ्ज, 28 नोभेम्बर (निसं): अचानक वाहनसित ठोक्किँदा बाइकमा सवार एकजना व्याक्ति घाइते भएका छन्। यो घटना बुधवार राति सिलगढी-जलपाईगढी राष्ट्रिय राजमार्ग अन्तर्गत जलपाईगढी सदर ब्लकको दासदरगा क्षेत्रमा भएको हो। प्राप्त जानकारी अनुसार जलपाईगढी तर्फ जाँदै गर्दा दासदरगा क्षेत्रमा क्रसिङ पार गर्ने क्रममा बाईक विपरीत दिशाबाट आउँदै गरेको एउटा वाहनसित सोझै ठोक्कियो। उक्त दुर्घटनामा बाइकमा सवार व्याक्ति गम्भीर घाइते भएका छन्। स्थानीय मानिसहरूको सहयोगमा गम्भीर घाइते अवस्थामा तिनलाई उद्धार गरेर बेलाकोवा ग्रामीण अस्पताल पठाइयो। प्राथमिक उपचार पछि उनलाई जलपाईगढी सुपर स्पेशलिटी अस्पतालमा रेफर गरिएको छ। घटनाको जानकारी पाएपछि पुलिस घटनास्थलमा पुगेर वाहनलाई आफ्नो नियन्त्रणमा लिइनको साथै जाँच सुरु गरेको छ।