सड़क दुर्घटनामा युवकको मृत्यु, एकजना गम्भीर घाइते

सिलगढी : सिलगढी संलग्न शिवमन्दिर इलाकामा भएको सड़क दुर्घटनामा बाइकमा सवार एकजना युवकको मृत्यु भएको छ भने अन्य एकजना गम्भीर रूपमा घाइते भएका छन्। दुर्घटनामा पर्नेहरू जङ्क्सन इलाका निवासी राजीव सरकार र सञ्जीव सरकारको रूपमा चिन्हित गरिएको छ। प्राप्त जानकारी अनुसार बिना हेलमेट बाइकमा सवार भएर दुईजना युवकहरू बाघडुग्रातर्फ गइरहेको समय अनियन्त्रित भएर डिभाइडरसित सोझै ठोक्किन पुग्यो। उक्त दुर्घटनामा बाइकमा सवार दुवैजनाको टाउकोमा गम्भीर चोट लागेको एकजनाको घटनास्थलमै मृत्यु भएको छ भने अन्य युवक गम्भीर रूपमा घाइते भएका छन्। यसको साथै दुर्घटनामा बाइक पनि क्षतिग्रस्त बन्न पुगेको छ। घटनाको खबर पाएर मतिगढा पुलिस घटनास्थलमा पुगेर मृतक युवकको शव उद्धार गर्नको साथै गम्भीर घाइते रहेको युवकलाई उपचारको लागि अस्पतालमा पठाएको छ।