सडक नाटकको माध्यमद्वारा मतदानबारे जागरूकता अभियान

मिरिक: चुनाउ आयोगको निर्देशनमा गत 15 मार्चदेखि शुरू भएको मतदान चेतना अभिवृद्धि कार्यक्रम निरतन्तर जारी छ। मिरिक खण्ड विकास अधिकारी कार्यालयको अगुवाईमा विधान सभा चुनाउको लागि जनमानसमा भोट किन हाल्नु भन्ने विषयमा जागरुकता गराउन विशेष कार्यक्रम आरम्भ गरिएको छ। उक्त जागरुकता कार्यक्रमसङ्गै सङ्गीत एवं चलचित्र निर्देशक कैलाश राईद्वारा लिखित साथै निर्देशित “भोट किन हाल्नु?” शीर्षक सडक नाटक पनि मञ्चन भइरहेको छ । सो जागरुकता अभियानमा यो सडक नाटक प्रत्येक गाउँ गाउँ र  मिरिक खण्डको तराईसम्म सडक नाटकको माध्यम मतदाताहरूलाई जागरूकता गराईंदैछ । सडक नाटक अभियान 9  दिनसम्म चल्ने छ । सडक नाटक टोली सुत्र अनुसार पहिलो चोटि ओकाटी चिया बगानको 2 नम्बर अनि ओकाइटी चिया बगानकै 9 नम्बरमा मतदाताहरूलाई जागरूक गराइ सकियो भने थर्बु चिया बगान, मिरिक बस्ती, सौरेनी जीपी एक र दुई अनि च्याँगा पानीघट्टा ग्राम पञ्चायत आदिमा पनि अब सडक नाटकको माध्यमद्वारा जागरूकता अभियान चलाइने भएको छ।