सहयोग माग्ने बहानामा छिनताई गर्ने 3 युवक पक्राउ

सिलगढी : सहयोग माग्ने बहानामा छिनताई गरेको आरोपमा पुलिसले 3 जनालाई पक्राउ गरेको छ। उक्त घटना गत राति गजलडोबा संलग्न मिलन पल्ली क्यानल रोडमा घटेको हो। प्राप्त जानकारीअनुसार गत राति सुकदेव मण्डल वाहनमा सवार भएर आइरहेको समय गजलडोबा मिलनपल्ली क्यानल रोडमा 3 जना युवकले तिनलाई सहयोग मागे। यसपछि तिनले सहयोग गर्नको लागि वाहन रोक्दा उक्त 3 युवकले तिनीलाई कुटपीट गर्नको साथै वाहन तोडफोड गरिदिए। यसको साथै ती युवकहरूले तिनीसित भएको केही रुपियाँ समेत छिनताई गरेर सुइँकुच्चा ठेकेको बताइएको छ। यसपछि तिनले मिलनपल्ली आउटपोस्टमा घटनाबारे अभियोग दर्ता गरे। अभियोगको आधारमा पुलिसले राजु चाकी, सुशान्त कुमार राय र स्वपन बनिक नाम गरेको तीनजना युवकलाई पक्राउ गरेपछि एनजेपी थानालाई सुम्पिदिए। आज आरोपीहरूलाई जलपाईगढी अदालतमा पेश गरियो।