सैकत च्याटर्जीमाथि हमला गरेको प्रतिवादमा तृणमूल-द्वारा राजगञ्ज थानामा विक्षोभ

राजगञ्ज : जलपाईगढी जिल्ला तृणमूल युवा कङ्ग्रेस सभापति सैकत च्याटर्जीमाथि हमला गरेको प्रतिवाद जनाउँदै आज तृणमूलले राजगञ्ज थाना अघि विक्षोभ प्रदर्शन गर्यो। राजगञ्ज ब्लक तृणमूल युवा कङ्ग्रेसको तर्फबाट राजगञ्ज थाना अघि विक्षोभ प्रदर्शन गर्नको साथै आरोपीलाई पक्राउ गरिनुपर्ने माग गर्दै एउटा ज्ञापन पत्र चढायो। यस सम्बन्धमा राजगञ्ज ब्लक युवा सभापति तुषार दत्तको आरोप अनुसार गतकाल राति जलपाईगढी जिल्लाको बहादुर अञ्चलमा भाजपा र सीपीएमका केही दुष्कृतिहरूले युवा सभापति सैकत च्याटर्जीमाथि हमला गरेको बताइएको छ। यसैको प्रतिवाद जनाउँदै आज आफूहरूले राजगञ्ज थानाअघि विक्षोभ प्रदर्शन गर्नको साथै एउटा ज्ञापन पत्र पनि चढाएको तिनले बताए। यस अवसरमा जलपाईगढी जिल्ला युवा तृणमूल कङ्ग्रेस सहसभापति शेख उमर फारूक, राजगञ्ज ब्लक युवा सभापति तुषार दत्त, सह सभापति गौतम राय लगायत पार्टीका अन्य कार्यकर्ताहरू उपस्थित थिए।