मङ्पु: मङ्पु युथ क्लबको आयोजनामा सम्पन्न भइरहेको मङ्पु गोल्ड कप फुटबल प्रतियोगिता 2021-अन्तर्गत आज खेलिएको म्याचमा खकन रोयको ह्याट्रिकले सञ्जु फुटबल एकाडमी सिक्किमलाई 4-0 गोलले फराकिलो पराजित गरेर ब्राइट स्पोर्टिङ् क्लब सिलगढ़ी अघिल्लो चरणमा प्रवेश गरेको छ। आजको खेलमा ब्राइट स्पोर्टिङ् क्लबको तर्फबाट खोकन रोयले 14 औ मिनट, 56 मिनट अनि खेलको अन्ततिर गोल गरेर ह्याट्रिक गरे भने राणा रोयले खेलको 17 औ मिनटमा टोलीको तर्फबाट गोल गरे।
सञ्जु फुटबल एकाडमी सिक्किमका खेलाडीहरू आजको खेलमा विपक्षी टोली सामु खुबै कमजोर देखियो भने 4-0 गोलको फराकिलो अन्तरमा पराजित भएर टुर्नामेन्टबाट बाहिरियो। भोलि सोमबार युजीएफसी कालेबुङ बनाम सिलगढी युनाइटेड माझ भीडन्त हुने भएको आयोजक समितिले जनाएको छ। उक्त प्रतियोगिताको फाइनल खेला आगामी 28 नोभेम्बरको दिन विविध रङ्गारङ्ग कार्यक्रमको साथमा सम्पन्न गरिनेछ।