दार्जिलिङ: सेप्टेम्बर महिनाको पहिलो सातासम्म पनि आजसम्म केन्द्र सरकारले वार्ताको लागि कुनै पत्र नपठाएकोमा गोर्खा लिगद्वारा दार्जिलिङका सांसद राजु विष्टको पुतलालाई जुत्ताको माला लगाएर आज दार्जिलिङ सहर परिक्रमा गरियो। गोर्का लीगका नेता विक्रमआदि राईले यसबार बताए अनुसार 12 तारिख अगस्तसम्म पर्खियौ चिट्ठी आएन, यो वार्ताको डेडलाइन यो महिनाको पहिलो सातासम्म थियो, त्यो पनि पूरा नहुँदा वार्ताको कुरा झुठो रहेको देखियो। यसैले गर्दा नै झुटो बोल्ने गोर्खा सांसद राजु विष्टको गोर्खालीगले आज पुतला दहन गरेर विरोध जनाएको हो। यस्ता कार्य पार्टीको तर्फबाट लगातार जारी रहने बताइएको छ। सांसद विष्टले गोर्खा जातिको खिल्ली उडाएको साथै ढाँटको राजनीति गरेर पहाडका जनतालाई अल्मल्याइरहेको पनि गोर्खालीग नेता विक्रमादिले आरोप लगाएका छन्।